All Q8 Shabab Concern

شنو اروع من الشعور بالظلم من الأشخاص اللي مفروظ ينصفونك

تطلب منهم =يطلبونك … تسألهم= يطالبونك

اييلك حقك بالعافية …أو … بعد ما ياخذون نصيبهم منك

اذا مالهم مصلحة ما يطالبولك

اذا مالهم نصيب = ننظر فيه

اذا لهم= افا عليك انت بس أمر

، و لا في جهة بالعالم ،الإدارة المساندة اتنافس الأدارات العلمية . عيل ليش سموكم ادارات مساندة ،مو علشان اتطالبون لنا ،اتدافعون عنا ، تنشرون ابحاثنا ،اتعلمون العالم ببحاثنا و انجازاتنا. و لا قط احد سمع عن وضع الكويت كاملة ابخريطة ابثلاثي الأبعاد!!، طبعا محد سمع. قط أحد سمع عن الخرسانة العازلة اللي موجودة ابكل بيت بالكويت من تطوير إدارة الهندسة و البناء!!!. قط أحد سمع عن إنتاج سمك الهامور داخل مزارع ، أكيد محد سمع!!!!. كل هذي انجازات و أفكار أقل ما نقول عنها عبقرية و ستراتيجية.و

الكل ايتلحطم ، شنو عندكم بالكويت . انا من الناس أقول عندنا “معهد الكويت للأبحاث العلمية” . فيه أفكار و مشاريع و مواضيع ،القليل، اللي يعرف عنها. عندنا امكانيات كبيرة ، و عقول رهيبة تبي من يلتفت لها . اذا وصل اي زائر الكويت ،اي رئيس دولة اي مسئول اي عالم اي ممثل، طاروا فيه النادي العلمي او المركز العلمي ،يورونه اشوية سمج و حيوانات موجودة اب اي حديقة حيوان بالعالم ، لا و الفكرة منسوخة و قديمة ، بس الجديد فيها “انها وصلت الكويت”. هاذي انجازات الشباب الكويتي!؟؟ حوضين سمج و شوية حصنية!!؟ هاذي انجازات “الحضارة الكويتية”. الحضارات تبنى “بأضافة” علوم و أفكار جديدة على الفكر والعلوم مو “نسخها”. و

أنا ما ألوم الجرايد و المجلات على جهلهم، أنا ألوم الإدارات ”اللي مفروض” تكون مساندة ، توري الكويتيين و كل زاير انجازات المعهد.و

صارلنا سنين انطالب اب نشر ابحاثنا و ختراعاتننا و ابكوادرنا ، بس عمك أصمخ. يا جماعة أحنا الجهة الوحيدة بالكويت اللي المهندس ما يا خذ كادر مهندسين، و المحاسب ما ياخذ كادر محاسبين ، و السكرتير ما ياخذ كادر شاشة ،و الكيميائي ما ياخذ كادر كيميائيين، اختصروا كل هل ميزات اب علاوة بدل طبيعة عمل، مع انها مختلفة

أحنا الجهة الوحيدة بالكويت اللي العلمي ما يقدر يتوظف إلا ابعلان بالجريدة، و الإداري من غير إعلان؟!؟ ليش ما تدري. أحنا الجهة الوحيدة بالكويت الي موظفين الإدارات المساندة اتعادل موظفين الأداراة العلمية ، إذا مو أكثر!!؟ يعني لكل موظف = إداري!!؟ ففتي ففتي، شلون صارت و بس، وفوق كل هذا لو تطلب كشف راتب يبيلك اسبوع على الأقل!؟ لو تسأل عن موظف يبيلك أسبوع على ما تلقاه (طبعا من كثر ما هو مشغول)و

بس فوق كل هذا راح نشتغل، و نبحث و ننتج. ماراح ايحبطونا اشوية موظفين كسالى.

احنا لها

ما دري ليش تلهمني هالأغنية

وطن النهار

ليش ما عندنا قواعد سلامة مثل العالم؟

ليش ما عندنا أحد حريص على سلامة الأوادم اللي يشتغلون بالمواد الكيميائية؟

يا جماعة أحنا أب معهد الكويت للأبحاث العلمية ، وخاصة قسم أبحاث البترول نعاني يوميا من هالأفة ، و لا في مسئول يقدر ، و لا في مسئول يحس ابهلمعاناة

ان تكلمنا قالوا في مسئول امن و سلامة (لا يبى في قسم امن و سلامة بالمعهد)  بس ان ناديتهم يووك ابغترة و عقال و قالولك انشاء الله انييبلكم عمال ايشيلون هالمواد

يا معود شوف اشلابس انت!؟ و ياي اتقوللي امن و سلامة ، انت ابروحك يبيلك امن و سلامة

معاناة يويمية مع الغازات و الروايح و جميع انواع المواد الخطرة و لا في اي رقيب

المشكلة اذا صار فيك اي شي قالولك: ”وين  خوذتك ! و ين ماسكك ! وين الغلفز” عيل انت الغلطان

يا جماعة ما في شفاطات ، مافي مكيفات نفس الناس، مافي اوادم اتعرف اتعامل مع هالمواد الخطرة

ما في شي

يخي وين نروح وين انولي

متى الناس تبدي تلتفت لنا ، و فوق كل هذا مظلومين

انا واحد من الناس تخصصي كيمياء ، لا نزل كادر حق الكيميائيين ،تسأل شئون الموظفين قالولك انت جهة حكومية مستقلة مالك مثل موظفين الحكومة، انزين هذي موجهة حكومية

ماني عارف شللي صاير بالمعهد

بس الله يعينه

هذي أول كامرة لي

Canon A630

بس الصراحة من أحسن الكامرات اللي قدرت أحصلها، كانون كامراتها ممتازة و تصويرها أحسن و أحسن

هذي بعض القطات اللي قدرت ابامكانياتي المتواضعة اني اخذها

Flickr

و بعدين على الأقل لها وكيل معتمد بالكويت و هذا اللي شدني أكثر انني اخذها ،وسعرها لا باس فيه

120KD

Which is Very Fine price

انشاء الله اتهنى فيها و اعرف لها

Review

و بعد صراع مرير مع

Bloggers

قررت التحول إلى Word press

حيث أنه من الظاهر أسرع و أقوى و عسى الله أن يوفقني

ما قط أحد سأل نفسه شنو معنات ال
Dry Cleaning؟
أو “التنظيف الجاف”؟ ، وشلون ينظف و هو جاف؟
.
أنزين محد سئل نفسه ليش ريحة الملابس اللي تنغسل بالمصبغة غير عن ريحتها لما تنغسل بالبيت؟

و هل يستخدمون ماي و لا سائل ثاني؟ و شنو هذا السائل الثاني؟ و هل هذا السائل الثاني “آمن” و لا لأ؟

الصراحة كل هالأسألة طرت على بالي مثلكم، بس ما كنت ادري منو اسال ، إلى انني سألت مسئولي بالدوام و عنده دكتوراه بالكيمياء ، فقالي السائل اللي يستخدمونه عادة أسمه

Carbon Tetrachloride
أو
Tetrachloroethylene

و كل هاذي المواد ،لللأسف ، للأسف “سامة” و لها تأثيرات على الجهاز العصبي على المدى الطويل ، فالعاملين في المصبغات راح تلقى عندهم مشاكل نع أعصابهم و كلامهم و حركاتهم ، ففي الموقع السابق مذكور ان احد النساء اللي تمتلك مصبغة و عمرها 57 سنة مصابة بالأعراض التالية
Visual disturbances consisted of “complete blindness” for 9 days in the left eye, for 11 days in the right eye, with bright phosphenes and pain on eye rotation.
عمى كامل بالعين اليسرى لمدة 9 ايام و 11 يوم في العين اليمنى

و مو بس هذا !! ؟

قامت احد الهيئات المهتمة بالبيئة في الولايات المتحدة بتغيير تصنيف هذه المواد من محتملة الأصابة
possible
ألى مرجحة الأصابة
probable
بمرض السرطان ، و العياذ بالله

(أنظر في القسم الخاص ب Human Health Impact

فيا جماعة المسألة فعلا خطيرة و محتاجة توعية من هذه المواد ، و لازم نحاول نقلل من تنظيف ملابسنا في المصبغات لما لها من تأثير على صحة العاملين بالمصبغة و تأثيرها على” صحتنا أحنا” !!؟

لأن الدراسات أثبتت ان بخار السائل تضل ريحته على الملابس لمدة طويلة جدا
Some perc can remain in garments after dry cleaning, resulting in human exposure. According to one study, after 100 days only 40 percent of the perc, which was held in the fiber pores, had diffused to the surface and evaporated.

فالتوعية ياجماعة التوعية