أخيرا هديت الزجاير March 16, 2008
Posted by q8shabab in Shopping.trackback
أخيرا … ما بقيت… الحمدالله على السلامة
يا أخي راحة من بعد ما كنت مخنوق … ما اشتهي اقعد مع احد اذا مو مدخن … يعني كانت حالتي كسيفة
بس الحين الحمد لله من بديت آخذ
بديت احس بالفرق … خاصة ان الموقع وايد مفيد … خصوصا الحاسبة مالتهم اتخلي الواحد ايعرف شيسوي اذا حس انه بيدخن … وفي حاسبة ثانية اتعلمك متى و منو شلون اتجنب التدخين
الصراحة وايد مفيد هالموقع … و اتمنى كل المدخنين يجربونه
و على فكرة … العلج هذا متوافر ابكل الصيدليات يعني ما راح تتعب اتدوره… و متوفر ابنوعين واحد 2مج و الثاني 4مج … نق اللي يناسبك و خذه … و سعره 1.700 دك فيه 30 حبة… يعني ما يعادل باكيت و نص … و بثلاث اضعاف السعر … بس لاتنسى ان صدرك ماراح “ايجيم” مثل قبل
و بالصحة والعافية
شي حلو ان الواحد يقطع عن التدخين
لان موبس المدخن اهو اللى يتضرر اللى حواليه وقاعدين بمحيطه بمجرد مايستنشقون الدخان كانهم مدخنين
وشي حلو ان في علج يساعد على قطع الزقاير
شكلي برووح اشتريه حق ابوي يمكن يقطع
كل السالفة تبدي وتنتهي عند الارادة
لا اكثر و لا اقل
اذا ابوج ما عنده رغبة انه يهد الزقاير عمره ما راح ايهدها
اي والله صدقت يا بو الشباب، الإراده ضروريه في قرار تبطيل الزقاير،،
بس ياخوك الزقاره له وله و الشوق،،
الله يثبتك
قواك الله