حصل في معهد الأبحاث!؟ May 1, 2007
Posted by q8shabab in KISR, Kuwait.trackback
شنو اروع من الشعور بالظلم من الأشخاص اللي مفروظ ينصفونك
تطلب منهم =يطلبونك … تسألهم= يطالبونك
اييلك حقك بالعافية …أو … بعد ما ياخذون نصيبهم منك
اذا مالهم مصلحة ما يطالبولك
اذا مالهم نصيب = ننظر فيه
اذا لهم= افا عليك انت بس أمر
، و لا في جهة بالعالم ،الإدارة المساندة اتنافس الأدارات العلمية . عيل ليش سموكم ادارات مساندة ،مو علشان اتطالبون لنا ،اتدافعون عنا ، تنشرون ابحاثنا ،اتعلمون العالم ببحاثنا و انجازاتنا. و لا قط احد سمع عن وضع الكويت كاملة ابخريطة ابثلاثي الأبعاد!!، طبعا محد سمع. قط أحد سمع عن الخرسانة العازلة اللي موجودة ابكل بيت بالكويت من تطوير إدارة الهندسة و البناء!!!. قط أحد سمع عن إنتاج سمك الهامور داخل مزارع ، أكيد محد سمع!!!!. كل هذي انجازات و أفكار أقل ما نقول عنها عبقرية و ستراتيجية.و
الكل ايتلحطم ، شنو عندكم بالكويت . انا من الناس أقول عندنا “معهد الكويت للأبحاث العلمية” . فيه أفكار و مشاريع و مواضيع ،القليل، اللي يعرف عنها. عندنا امكانيات كبيرة ، و عقول رهيبة تبي من يلتفت لها . اذا وصل اي زائر الكويت ،اي رئيس دولة اي مسئول اي عالم اي ممثل، طاروا فيه النادي العلمي او المركز العلمي ،يورونه اشوية سمج و حيوانات موجودة اب اي حديقة حيوان بالعالم ، لا و الفكرة منسوخة و قديمة ، بس الجديد فيها “انها وصلت الكويت”. هاذي انجازات الشباب الكويتي!؟؟ حوضين سمج و شوية حصنية!!؟ هاذي انجازات “الحضارة الكويتية”. الحضارات تبنى “بأضافة” علوم و أفكار جديدة على الفكر والعلوم مو “نسخها”. و
أنا ما ألوم الجرايد و المجلات على جهلهم، أنا ألوم الإدارات ”اللي مفروض” تكون مساندة ، توري الكويتيين و كل زاير انجازات المعهد.و
صارلنا سنين انطالب اب نشر ابحاثنا و ختراعاتننا و ابكوادرنا ، بس عمك أصمخ. يا جماعة أحنا الجهة الوحيدة بالكويت اللي المهندس ما يا خذ كادر مهندسين، و المحاسب ما ياخذ كادر محاسبين ، و السكرتير ما ياخذ كادر شاشة ،و الكيميائي ما ياخذ كادر كيميائيين، اختصروا كل هل ميزات اب علاوة بدل طبيعة عمل، مع انها مختلفة
أحنا الجهة الوحيدة بالكويت اللي العلمي ما يقدر يتوظف إلا ابعلان بالجريدة، و الإداري من غير إعلان؟!؟ ليش ما تدري. أحنا الجهة الوحيدة بالكويت الي موظفين الإدارات المساندة اتعادل موظفين الأداراة العلمية ، إذا مو أكثر!!؟ يعني لكل موظف = إداري!!؟ ففتي ففتي، شلون صارت و بس، وفوق كل هذا لو تطلب كشف راتب يبيلك اسبوع على الأقل!؟ لو تسأل عن موظف يبيلك أسبوع على ما تلقاه (طبعا من كثر ما هو مشغول)و
بس فوق كل هذا راح نشتغل، و نبحث و ننتج. ماراح ايحبطونا اشوية موظفين كسالى.
احنا لها
what the fuck is this? can you translate it to english because i don’t understand arabic
Sir Mark,
I hardly wrote this subject. so to translate it again is really a big issue for me. But anyway, it is mainly a compliant about the condition of workin in Kuwait Institue for Scientific Research.
ادري صارله سنه هالموضوع
بس لاتقول جذي
انا شويه او بين وبس اتعين عندكم
في معهد الابحاث
ودي اعيش هالتجربه ^_^
شرايك؟
المطيري .. معهد الابحاث يسعى الى تحقيق تطلعات سمو الامير بجعل الكويت مركزا ماليا
العلوم والتكنولوجيا 12/03/2008 11:56:00 ص
الكويت – 12 – 3 (كونا) — قال المدير العام لمعهد الكويت للابحاث العلمية الدكتور ناجي المطيري اليوم ان معهد الابحاث يسعى في نهجه الجديد الى تحقيق تطلعات سمو امير البلاد بجعل الكويت مركزا ماليا واقتصاديا .
وأضاف المطيري لدى افتتاحه الملتقى الثاني لرابطة الموظفين السابقين في المعهد الذي يستمر يومين ان المعهد يسعى نحو تأسيس ثلاث شركات متخصصة ربحية لتسويق دراساته ومبتكراته العلمية.
وأشاد بفكرة تأسيس الرابطة ولاسيما أن الكثير منهم احتل مناصب قيادية في هيئات ومنظمات اقليمية ودولية في داخل دولة الكويت وخارجها .
واشار الى انه حدد 14 قيمة من القيم التي يسعى الى تحقيقها خلال توليه رئاسة المعهد ومن بينها احترام وتقدير جهود القيادات السابقة.
من جهته قال مستشار سمو امير البلاد والرئيس الفخري للرابطة الدكتور يوسف الابراهيم ان العلم هو اساس القوة البشرية في العالم موضحا ان الملتقى يعد فرصة للتواصل الانساني بين باحثين وعلماء وضعوا اللبنات الاولى في هذا الصرح الشامخ والجيل الواعد من الباحثين من ابناء المعهد.
واستذكر الابراهيم الذي عمل فترة طويلة باحثا وكبير باحثين في ادارة الاقتصاد التقني في المعهد مآثر وزير التربية ووزير التعليم العالي الراحل الدكتور احمد الربعي كونه عضوا فخريا في الرابطة .
وثمن جهود اللجنة المنظمة في اقامة الملتقى وتسهيل حضور من تعذر حضورهم في الملتقى الاول ووصفه بانه أكبر من كونه لقاء ذا طابع اجتماعي لاحتوائه على فعاليات وأنشطة علمية وبحثية.
يذكر ان الملتقى يقام تحت رعاية وزيرة التربية ووزيرة التعليم العالي نورية الصبيح ويشارك فيه علماء مختصون وشركات من القطاع الخاص بمحاضرات علمية وغيرها من الانشطة.
وجاءت فكرة انشاء الرابطة في العام 2003 بمبادرة من نائب المدير العام لأبحاث العلوم الحيوية والبيئية الاسبق في المعهد الدكتور محمد العطار .(النهاية) ه ن ي / ا ع كونا121156 جمت مار
============
ان شالله الوضع طيب وزين
أخت مقرودة
أشكرج على ردج ،، و لكن كان الغرض من موضوعي هو عرض حالنا كباحثين في المعهد ، و أنا متأكد ان احنا احسن من غيرنا بالوزارات ابوايد!!؟
على الاقل في تقدير لعقلك من زملائج ،، و لكن من ناحية حقوقنا المالية ،، هذي اللي عليها علامة استفهام وبس؟؟
و شكرا
يعطيكم العافيه
انا من الناس الي ادرس بره الديره و سمعة معهد الابحاث واصله عندنا
عندنا دكتور دايما ايب طاري المعهد
يقول في الثمانينيات كان المعهد اكبر جهه من الوطن العربي طلع بحوث
و بحوثها توصل اوربا و امريكا
بس الحين في كلام ان بيدمجونكم مع جامعة الكويت لان المعهد مو مثل قبل
و هذا مو منكن ، من الاداره
الي بوصله اخوي انه مركز الابحاث مبيض ويهننا بانجازاته و يعطيكم العافيه علي مجهودكم الي والله ادري انكم ما تاخذون الي تستاهلونه
يعطيكم العافيه
السلام عليكم
لو سمحت كم تقريبا راتب المهندس في معهد الابحاث
كـ باحث ؟
وهل تاخذون كادر المهندسين ؟؟؟
شكرا
وعليكم السلام
رواتب المهندسين في معهد الأبحاث خصوصا اذا كانوا حديثي التخرج تساوي تقريبا بعد التأمينات 850 دينار
أنا ماني مهندس و لكن جامعي كنت أستلم قبل الكادر تقريبا 700 دينار بعد التأمينات و لكن الحين ضاعت الحسبة بعد نزول الكادر و بعد ثلاث سنين خبرة