All Q8 Shabab Concern

قريت قبل فترة موضوع جميل في

Newsweek

عن السعادة و مفهومها و شلون الدول الأوروبية تسعى الى سعادة مواطنينها ابمساواة المواطنين ابكل شي ، محد احسن من احد ، الغني يفرضون عليه ضرايب مرتفعة و الفقير يفرضون عليه ضرايب اقل علشان ايساوون المواطنين و محد يحسد بعضه ، لانهم لقوا ان سبب تعاسة الناس “في الغالب” بسبب الحسد و نظرتنا للي اهم اغنى مننا

اي بما معناه ، انت سعيد بمالديك و ليس بما ليس لديك. لا يهم كم تملك من المال لكي تكون سعيدا و لكن رضاك بما لديك هو مايجعلك سعيدا. “القناعة” تاج على رئوس السعداء. هذا اللي استنتجته من المقالة

ز”وإحدى أولى نتائج أبحاث السعادة، التي توصل إليها ريتشارد إيسترلين من جامعة جنوب كاليفورنيا، هي أنه بالرغم من أن الأغنياء أكثر سعادة من الفقراء عادة، فإن ازدياد السعادة بسبب ازدياد المال ليس كبيرا بعد تخطي عتبة الفقر. ويقول إيسترلين إن هذا يعود إلى “دورة المتعة”: فنحن نعتاد على الثراء بسرعة، أو نعتبر ذلك من المسلمات أو نقارن ثراءنا بما يملكه الآخرون، وليس بما كنا نملكه سابقا. يبدو أن فكرة مجاراة جيراننا راسخة في أدمغتنا، بسبب جذورنا كمخلوقات تعيش ضمن مجموعات. ومع تقدم هذا البحث، برزت دراسات أخرى عن السعادة والزواج والعمل والأطفال والتلفزيون والهجرة وغيرها.”ز

نتيجة مذهلة وين دولنا عن مثل هالأبحاث و الأفكار اللي تخلي المجتمع كله سعيد بعيد عن الحساسيات و الحسد اللي تخلي الكل متكدر ليش ماعنده هالسيارة و لا هالتلفون

دولنا لازم تتحول من راعية لمواطنيها الى مضيفة لهم ،

 مفهوم الدولة الشاملة اللي تتكفل ابكل احتياجات مواطنيها من مدارس و مستشفيات و منازل و وظائف،

 هذا المفهوم ظروري انه يتغير.

لازم نبدي نشعر ابمسئوليتنا عن حياتنا الخاصة و مو كل شي على الحكومة

 لان هذا الشعور بعدم المسئولية خلانا نلقي المسئولية كلها على الحكومة

 و الحكومة هي مجرد اشخاص يصيبون  و يخطئون،

و ياكثر ما يخطئون، دايما قراراتها متسرعة و ليست حكيمة

غريبين هالبشر . ليش مساجد دام هذالتصرف يبدر منكم. أنا مادري منهي الجهة المسئولة عن هالأمور بس الصراحة غريبة و عيب

أكيد شايفين هالتصرف بالمساجد كلها. ابي اعرف ماتعرفون شي اسمه استيكرز اتخربطون عليها الي تبونه ، الناس تطوروا و نتوا للحين تشخبط على الحمامات!!؟

انزين شنو هذا !؟ حاط تواريخ اخر مرة داش فيها الحمام ، و لا تواريخ اخر مرة سويت فيها @@؟!؟

اذا هالكتابات من الوزارة نفسها فيجماعة اكبروا على هالسوالف، انتوا كل اللي قاعد اتسوونه قاعدين اتشوهون صورة المساجد و اذا في طريقة اتراقبون فيها نظافة الحمامات فموشذي!؟

مثل ماقلت استكرز و لااوراق اتخلونها عند الإمام في الف طريقة و طريقة.

This is my first post in english, put i have to! Because the person whom i writing to dont know a bit word of arabic.

so for who ever you u r : SHAME ON YOU !?

we r bloging here just for FUN and Knowledge, not for pretending each other!!

so please stop posting on others

شنو اروع من الشعور بالظلم من الأشخاص اللي مفروظ ينصفونك

تطلب منهم =يطلبونك … تسألهم= يطالبونك

اييلك حقك بالعافية …أو … بعد ما ياخذون نصيبهم منك

اذا مالهم مصلحة ما يطالبولك

اذا مالهم نصيب = ننظر فيه

اذا لهم= افا عليك انت بس أمر

، و لا في جهة بالعالم ،الإدارة المساندة اتنافس الأدارات العلمية . عيل ليش سموكم ادارات مساندة ،مو علشان اتطالبون لنا ،اتدافعون عنا ، تنشرون ابحاثنا ،اتعلمون العالم ببحاثنا و انجازاتنا. و لا قط احد سمع عن وضع الكويت كاملة ابخريطة ابثلاثي الأبعاد!!، طبعا محد سمع. قط أحد سمع عن الخرسانة العازلة اللي موجودة ابكل بيت بالكويت من تطوير إدارة الهندسة و البناء!!!. قط أحد سمع عن إنتاج سمك الهامور داخل مزارع ، أكيد محد سمع!!!!. كل هذي انجازات و أفكار أقل ما نقول عنها عبقرية و ستراتيجية.و

الكل ايتلحطم ، شنو عندكم بالكويت . انا من الناس أقول عندنا “معهد الكويت للأبحاث العلمية” . فيه أفكار و مشاريع و مواضيع ،القليل، اللي يعرف عنها. عندنا امكانيات كبيرة ، و عقول رهيبة تبي من يلتفت لها . اذا وصل اي زائر الكويت ،اي رئيس دولة اي مسئول اي عالم اي ممثل، طاروا فيه النادي العلمي او المركز العلمي ،يورونه اشوية سمج و حيوانات موجودة اب اي حديقة حيوان بالعالم ، لا و الفكرة منسوخة و قديمة ، بس الجديد فيها “انها وصلت الكويت”. هاذي انجازات الشباب الكويتي!؟؟ حوضين سمج و شوية حصنية!!؟ هاذي انجازات “الحضارة الكويتية”. الحضارات تبنى “بأضافة” علوم و أفكار جديدة على الفكر والعلوم مو “نسخها”. و

أنا ما ألوم الجرايد و المجلات على جهلهم، أنا ألوم الإدارات ”اللي مفروض” تكون مساندة ، توري الكويتيين و كل زاير انجازات المعهد.و

صارلنا سنين انطالب اب نشر ابحاثنا و ختراعاتننا و ابكوادرنا ، بس عمك أصمخ. يا جماعة أحنا الجهة الوحيدة بالكويت اللي المهندس ما يا خذ كادر مهندسين، و المحاسب ما ياخذ كادر محاسبين ، و السكرتير ما ياخذ كادر شاشة ،و الكيميائي ما ياخذ كادر كيميائيين، اختصروا كل هل ميزات اب علاوة بدل طبيعة عمل، مع انها مختلفة

أحنا الجهة الوحيدة بالكويت اللي العلمي ما يقدر يتوظف إلا ابعلان بالجريدة، و الإداري من غير إعلان؟!؟ ليش ما تدري. أحنا الجهة الوحيدة بالكويت الي موظفين الإدارات المساندة اتعادل موظفين الأداراة العلمية ، إذا مو أكثر!!؟ يعني لكل موظف = إداري!!؟ ففتي ففتي، شلون صارت و بس، وفوق كل هذا لو تطلب كشف راتب يبيلك اسبوع على الأقل!؟ لو تسأل عن موظف يبيلك أسبوع على ما تلقاه (طبعا من كثر ما هو مشغول)و

بس فوق كل هذا راح نشتغل، و نبحث و ننتج. ماراح ايحبطونا اشوية موظفين كسالى.

احنا لها