عمرة رمضان October 8, 2006
Posted by q8shabab in Travel.trackback
اذا تلاحضون انه مافيه شي من الزود ، بس ميزته الوحيده انه قريب من الحرم من صوب باب المروة ،تقريبا 40 متر عن الحرم فقط! (عبرة شارع بس) وهذا الشي الوحيد اللي يشفعله
ثاني شغله،، تعلمتها من الرحلة ان الهنود بالذات في جميع مناطق المملكة لازم و لابد من انك اتكلمهم اب نفس خايسةو لا مايمشون عدل ، مو شللي صار ، رحت حق “مكوجي” (مصبغة بالسعودي 
)و
ثالث شغلة ،، التكاسي ، المشكلة انهم يقولونها ابويهك تبي تبي ماتبي ترى في غيرنا . المشكلة صدف ان طيارتنا تهبط ابمطار الحجاج (أو صالة الحجاج) ، و هي منطقة معزولة عن المطار و عن مدينة جدة ككل ، إذا انت تاخذ التكسي من جدة الى مكة اب 150 ريال ، من مطار الحجاج تأكد انك ماراح اتحصل اقل من 300 ريال ، هذا على الأقل ، هذا غير اذا انت ماخذ جمس عود يعني يطلع عليك عادي 500 او 600 ريال !؟،
ماني عارف شللي حاصل ابهالعالم ، وين ما تروح انت مستهدف كخليجي ، حتى ابدولة شقيقة كالسعودية ، اتدش محل خردوات تبي تشتري مقص ، المقص أصلن مايستاهل حتى ريال واحد الأخوة الأكارم من يشوفونك داش عليهم على طول ايقولك 5 ريال (تقريبا 400 -500 فلس) !؟!؟ المشكلة ان صاحب المحل سعودي !؟ احنة انعيب على الاخوة السوريين و الهنود عندنا بالكويت اثاري حتى ربعنا بالسعودية عندهم نفس السلوك ،
ابي افهم ،، يعني خليجي مكتوب على راسه “مغفل” كل من هب ودب يبي ياكل اللي ابجيبه !؟!؟
وعلى فكرة ترى المحل اللي قاعد اتكلم عنه مقابل الحرم مباشرة ، بس هم نصاب !!
الله ياهو زحمة الحرم
شفتو ماشاء الله اشكثر الناس !! ترى هذي الصورة يوم الخميس 28-9-2006 الساعة 12 بالليل !! ، هذا مسعى الدور الأرضي
هذا الجو الإيماني اللي يهون عليك كل المشاكل اللي اتحوشك طول النهار
و كان مسك ختام رحلتنا
دجاج البيك ،، أفضل دجاج مقلي في العالم ،، بس للأسف ما له اي افرع خارج مكة و جدة و لا هو ناوي يفتح ،، و راح أقولكم الأسباب في موضوع ثاني إنشاء الله
عمره مقبوله ان شاء الله
بس شالفندق
عطني رقمه يامعود
:p
ترى مكه في رمضان والحج نصب بنصب
ومكوجي كلمه مكاويه ماهي سعوديه
واخر شي
البيك
الله يهداك بس
اذكر في رمضان اللي طاف يوم كنت في جده كنت ما اتسحر الا منه وكان طق مطاقق على ما تطلب
والله حتى بأمريكا ما تحصل دجاج مقلي مثله
والله لا فتح في امريكا جان شفت الخوال هني صافين عليه اكثر من البيك في الحج
يمعود خل يفتح بالكويت بالأول!؟
ما عندنا مطاعم نفس الناس ما عدى الغالي منهم
صح هذا اللي ناقص الكويت
عندنا البيك
الطازج
وكودو
كلها محليه بس ناجحه
بالكويت ما يطري على البال الا هابي برجر
وقت القحط تلقى بدير طالب منه