بدل أجار…؟ March 25, 2006
Posted by q8shabab in Uncategorized.7 comments
ابي اعرف اشصاير بالديرة
يالناس طمعانة بفلوس الفقارة… يا حكومتنا تعبانة … اصلا ما في حل ثالث
تحررت العراق … ارتفعت الاجارات… زادت المعاشات … ارتفعت الاجارات … ارتفعت البورصة… زادت الاجارات …”قالوا”!! بتطيح القروض … زادت الاجارات…
و رأفتا ابحالنا ما قصروا اعضاء مجلس الامة و راحوا و طالبوا ابزيادة بدل الاجار … اهم بس طالبوا شان ترتفع الاجارات…
اللي كان اب 250 صار اب 300 … و للي اب 350 صار اب 400
انزين و للي توه متزوج … و لا امفكر يتزوج… شيسوي ابحاله …ايبوق..؟!؟
ياجماعة … انا اقترح انه يكون هناك هيئة او ادارة حكومية تابعة لوزارة التجارة او اي وزارة معنية …تشرف على تسعير الاجارات… المنطقة فلانية اللي تكون الشقة فيها ابهالمواصفات سعرها كذا … مو هالبيت إيأجر 300 … و جاره اللي شقته نفس الشي ماكو اختلاف … اب 400!! … ليش !!! … اشصاير؟!؟
لازم نمشي على هذا النظام … لا زم في جهة رقابية على الاجارات … و حط عقوبات و غرامات مالية كبيرة على المخالف … و عقبها خل اشوف واحد ايقول ابذيله شذي و لا شذي !!؟
كل هذا مو علشان شي … علشان انعرف شللي لنا و شللي علينا … الشباب المتزوجين و غير المتزوجين همهم الاول و الاخير الاجار … كل واحد حاط ايده على قلبه خايف اتزيد الاجارات … حتى زيادة بدل الاجار صارت علينا نقمة مو نعمة
ياجماعة احنا يالكويتيين انهون … شوفو الاجانب و الوافدين … و الله مساكين … تلقا الابو معاشه يالله 300 او 400 دينار … و عنده سيارة … و بيت … و ثلاث اعيال ايدرسهم ابمدارس خاصة … و تلقى اجار شقته اللي كان اب 150 صار اب 250 … هذا وين يروح … و انا متأكد و متيقن انه لا طق تذكرته و طلع بره الديرة بعد ماخدم فيها و كوش على كل شي… وعرف كل صغيرة و كبيرة فيها … صدقوني ياجماعة الديرة اهي اللي بتخسر
لازم نشوف لنا حل
ما قول الا … حسبي الله و نعم الوكيل
بدأ العد العكسي March 4, 2006
Posted by q8shabab in Uncategorized.12 comments
بدأ رسميا العد العكسي للرحيل عن دنيا العزوبية الى دنيا اتمنى ان تكون افضل و أروع من سابقتها
و لكن السؤال الذي يحيرني ,, ماذا بعد ذلك؟
هل توجد حياة انتقالية اخرى؟ و ماذا بعد ذلك؟ و ماذا بعد ذلك؟ و ألى اين سوف ننتهي؟
الشاطر يفهم
و لكن السؤال الذي يحيرني ,, ماذا بعد ذلك؟
هل توجد حياة انتقالية اخرى؟ و ماذا بعد ذلك؟ و ماذا بعد ذلك؟ و ألى اين سوف ننتهي؟
الشاطر يفهم
